Portada » Berdintasuna »
Berdintasuna kudeaketan txertatzeak berrikuntzarako funtsezko elementua dakar, erakundearen prozesu guztiak, baita eskaintzen dituen produktuak eta zerbitzuak ere, beste ikuspegi batetik berrikustea ahalbidetzen baitu. Halaber, balio berriak txertatzen laguntzen du eta erakundeko pertsona guztiak kontuan hartu eta bultzatzea ahalbidetzen du.
Gainera, emakumeen eta gizonen berdintasunari erreparatzea enpresa-erantzukizun sozialaren ariketa bihurtzen da, gizarte-justizia handiagoa sustatzen eta eredu berdinzaleagoetatik gizarte-erreprodukzioa errazten laguntzen duena.
“Emakumeen eta gizonen berdintasunerako Erakunde Laguntzaile” izendapenaren aitortza Emakunde-Emakumearen Euskal Erakundeak ematen du, eta emakumeen eta gizonen berdintasunarekiko konpromisoa duten erakundeei kalifikazio hori ematen die.
Aitortza ondorengo logotipoarekin irudikatuko da:
Nork eska dezake aitortza?
Edozein erakunde, izaera publikoa edo pribatua duena, Administrazio Publikoak izan ezik, eta honako baldintzak betetzen dituena:
- Bere jarduera Euskal Autonomia Erkidegoaren lurraldean garatzea.
- Erakundearen zuzendaritza eta kudeaketa administratiboa Euskal Autonomia Erkidegoan izatea.
- Langileak Euskal Autonomia Erkidegoan kontratatuta izatea, lanaldi, kontratu-modalitate eta langile-kopuru nahikoarekin, erakundearen gizarte- eta lan-eremuan emakumeen eta gizonen berdintasunari buruzko jarduerak egiteko.
- Gizarte Segurantzan inskribatuta egotea eta, beharrezkoa bada, formalki eratuta eta dagokion erregistro publikoan inskribatuta egotea.
- Eskaera aurkeztu aurreko hiru urteetan, aukera-berdintasun eta diskriminazio eza arloan edo gai sozialetan arau-hauste larri edo oso larriengatik zehapen irmorik jaso ez izana.
- Zerga eta Gizarte Segurantzako betebeharrak egunean izatea.
- Emakumeen eta gizonen berdintasun handiagoa sustatuko eta erraztuko duten jarduerak egitea, eta berdintasun hori eragozten duten oztopoak kentzea.
Aurkeztu beharreko dokumentazioa
Aitortza eskabideak dokumentazio frogagarri eta justifikatzailea aurkeztea dakar, eta horrek, batzuetan, dedikazio gehiegizkoa ekar diezaioke erakundeari. EKIN AHOLKULARITZATIK hori zure ordez egin dezakegu.
Hona hemen prestatu beharreko dokumentazioa:
- Eranskina I honen arabera behar bezala betetako eskabide-eredua, Planaren sustapenerako arduraduna den erakundeko pertsonaren adierazpen zehatzarekin.
- Diagnostikoaren eta Berdintasunaren arloko Ekintza Planaren memoria, otsailaren 11ko 11/2014 Dekretuaren II. eranskinaren arabera, emakumeen eta gizonen berdintasunerako «Erakunde Laguntzaile» aitortza arautzen duena.
- Erakundearen estatutuak.
- Egoeraren Diagnostikoaren eta Berdintasunaren arloko Ekintza Planaren testu osoa.
- Emakumeen eta gizonen berdintasunaren, lan-baldintzen, erakundearen barne-antolaketaren eta gizarte-erantzukizunaren arloko konpromiso esplizitua, Dekretu honen 2.g) artikuluaren bosgarren puntuan ezarritako baldintzetan.
- Plantilla osatzen duten pertsonen kopurua fedez egiaztatzen duen dokumentazioa.
- Gizarte Segurantzan eta, hala badagokio, dagokion erregistro publikoan inskribapena.
- Azken hiru urteetan aukera-berdintasunaren eta ez-diskriminazioaren arloan edo gai sozialetan arau-hauste larri edo oso larriengatik zigorrik jaso ez izana egiaztatzen duen erantzukizunpeko adierazpena, Dekretu honen III. eranskinaren arabera.
- Erakundeak beste Administrazio Publiko batzuen aitortza antzekoa eskatu edo lortu badu, dagokion eskabidearen edo aitortza ematea egiaztatzen duen ebazpenaren kopia aurkeztuko du, edo, hala badagokio, dagokion buletin ofizialean argitaratzearekin lotutako erreferentzia.
- Diagnostikoa eta prestatutako Plana plantillari jakinarazi zaizkiola egiaztatzea.
- Sexu-jazarpena eta sexu-arrazoiengatik jazarpenari aurre egiteko eta prebenitzeko neurri zehatzen zerrenda.
- Emakumeen eta gizonen berdintasuna sustatzeko erakunde eskatzailearen lana eta ibilbidea hobeto ezagutzeko lagungarria den edozein dokumentazio.
- Hautazko eran, erakundeko langileen ordezkarien txosten bat aurkeztu ahal izango da, erakunde eskatzailean prestatutako eta/edo abian jarritako Berdintasunaren arloko Ekintza Planari buruzkoa.
- Eskabideari erantsitako dokumentu guztien zerrenda, Dekretu honen V. eranskinaren arabera.
Aurretik aipatutakoaz gain, berdintasun-plana prestatu eta ezartzeko legezko, hitzarmen bidezko edo beste izaera bateko betebeharra dagoen kasuetan, honako dokumentazioa aurkeztu behar da:
- Lortutako akordioa edo negoziazio-borondatea jasotzen duten dokumentuen kopia.
- Erakundean ezarritako berdintasun-neurriei buruzko balantzea edo txostena, lan-baldintzei, antolaketa-ereduari, erakundearen gizarte-erantzukizunari eta eskaintzen dituen produktu eta zerbitzuen hedapenari eta publizitateari dagokienez.
- Erakundearen zuzendaritza-organoaren konpromisoa, dagoen Planean jasotako neurri guztiak ezarriko direla bermatzen duena, Dekretu honen IV. eranskinaren arabera.
